Ukrayna nümayəndə heyəti ABŞ-a səfərə yola düşüb

Ukrayna nümayəndə heyəti Ağ Ev rəsmiləri ilə görüşmək üçün ABŞ-a səfərə yola düşüb.Bu barədə Ukrayna Prezidenti Volodimir Zelenski “Telegram”da məlumat paylaşıb.

O, bildirib ki, Ukrayna nümayəndə heyətinə Milli Təhlükəsizlik və Müdafiə Şurasının katibi Rustem Umerov, Prezident Ofisinin rəhbəri Kirill Budanov və “Xalqın xidmətçisi” parlament fraksiyasının rəhbəri David Araxamiya daxildir.

Zelenski qeyd edib ki, danışıqlarda hazırda ABŞ tərəfi ilə birlikdə hazırlanmış sənədlər, habelə Rusiya cavabının mümkün istiqamətləri müzakirə olunacaq.