Məhkəmə Samvel Karapetyanın ev dustaqlığı müddətini uzadıb

Ermənistanın Antikorrupsiya Apellyasiya Məhkəməsi iş adamı Samvel Karapetyanın ev həbsinə qaytarılması barədə qərar qəbul edib.Bu barədə onun vəkili Aram Vardevanyan məlumat verib.

"Bizim 14 saatlıq məhkəmə iclasımız oldu. Samvel Karapetyan barəsində girov və ölkəni tərk etməmək haqqında iltizamla ev dustaqlığı qətimkan tədbiri seçilib", - vəkil bildirib.

Vardevanyan həmçinin qeyd edib ki, məhkəmə Karapetyana tətbiq olunmuş ictimai çağırışlar və çıxışlar etmək məhdudiyyətini də götürüb.