Azərbaycan Neft Fondu və Brookfield 1,4 milyard dollarlıq əməkdaşlıq sazişi imzalayıblar

 Azərbaycan Prezidenti İlham Əliyev Dünya İqtisadi Forumu çərçivəsində "Brookfield Asset Management" şirkətinin prezidenti Konnor Teski ilə görüşüb.

Görüş zamanı Azərbaycan Respublikası Dövlət Neft Fondu (ARDNF) ilə qlobal investisiya nəhəngi "Brookfield" arasında uzunmüddətli strateji əməkdaşlığa dair niyyət protokolu imzalanıb.

Sənədə əsasən, ARDNF yaxın 3–4 il ərzində "Brookfield" tərəfindən idarə olunan fondlara və birgə investisiya layihələrinə 1,4 milyard ABŞ dollarınadək kapital qoyuluşu imkanlarını qiymətləndirəcək. Əməkdaşlıq çərçivəsində həmçinin Azərbaycanda enerji keçidi, bərpa olunan enerji, enerji saxlanılması və rəqəmsal infrastruktur kimi sahələrdə investisiya potensialının öyrənilməsi nəzərdə tutulur.