Gürcüstan Azərbaycandan elektrik enerjisi idxal artırıb

2025-ci ildə Gürcüstan Azərbaycandan 417,3 milyon kilovatt/saat həcmində elektrik enerjisi idxal edib. 

 Bu barədə Gürcüstan Dövlət Elektrosistemi SC-nin hesabatında bildirilib. 

2024-cü illə müqayisədə elektrik enerjisinin həcmi 231,33 milyon kilovatt/saat və yaxud 2,2 dəfə artıb. 

Hesabat ilində Gürcüstanın tədarük etdiyi elektrik enerjisinin ümumi həcmi 1,5 milyard kilovat/saatdan çox olub ki, bu da illik müqayisədə təqribən 27% çoxdur. Qonşu ölkə Rusiya, Ermənistan və Türkiyədən müvafiq olaraq 971,2 milyon kilovat/saat, 128,5 milyon kilovat/saat və 40,5 milyon kilovat/saat həcmində elektrik enerjisi idxal edib. 

2025-ci ildə Azərbaycandan Gürcüstan vasitəsilə Türkiyəyə 594,1 milyon kilovatt/saat həcmində elektrik enerjisi tranzit olunub ki, bu da illik nisbətdə 41% azdır.