Ərdoğan Trampla telefon danışığı aparıb

Türkiyə Prezidenti Rəcəb Tayyib Ərdoğan və ABŞ Prezidenti Donald Tramp telefon danışığı aparıb. Danışıqlarda iki ölkə arasında ikitərəfli münasibətlər, Suriyadakı son vəziyyət, Qəzza Sülh Şurası, ticarət, xüsusilə müdafiə sənayesi sahəsində əməkdaşlıq və regional ilə qlobal aktual məsələlər müzakirə olunub.

Ərdoğan bildirib ki, Ankara bütün sahələrdə münasibətlərin inkişafını hər iki ölkənin ortaq maraqlarına uyğun hesab edir və əməkdaşlığın inkişafı üçün addımlar atmağa davam edəcək. O, həmçinin Türkiyənin Suriyada atəşkəs sazişinin tam həyata keçirilməsinə və inteqrasiya proseslərinə böyük önəm verdiyini vurğulayıb və bu prosesin ABŞ və Suriya hakimiyyəti ilə əlaqələndirilmiş şəkildə yaxından izlənildiyini qeyd edib.

Prezident Ərdoğan Qəzza Sülh Şurasının effektiv fəaliyyət göstərəcəyinə ümid etdiyini də bildirib.

Türkiyə və ABŞ regionda Suriya məsələsi və Qəzza ilə bağlı sülh təşəbbüslərində əsas tərəfdaşlar kimi çıxış edir. Bu danışıqlar iki ölkənin strateji əməkdaşlığının gücləndirilməsi və regional sabitliyin qorunması məqsədini əhatə edir.

Aytac