İnflyasiya 2026–2027-ci illərdə hədəf diapazonunda qalacaq – proqnoz

Baza ssenarisinə əsasən, illik inflyasiyanın 2026-cı ilin sonunadək və 2027-ci il ərzində hədəf diapazonunda qalacağı gözlənilir. Bu barədə 2026-cı ilin fevral ayında açıqlanan proqnozda deyilir.

Proqnoza görə, illik inflyasiya 2026-cı ildə 5,5%, 2027-ci ildə isə 4,0% səviyyəsində olacaq. Eyni zamanda, 2026-cı il üzrə inflyasiya proqnozu əvvəlki qiymətləndirmələrlə müqayisədə aşağı istiqamətdə yenilənib.

Sənəddə qeyd olunur ki, inflyasiyanın dinamikası daxili və xarici amillərdən, o cümlədən makroiqtisadi şəraitdən və iqtisadi siyasət tədbirlərindən asılı olacaq.

N.Təbrizli