SOCAR və Gran Tierra Energy Quba–Xəzəryanı regionu üzrə saziş imzalayıb

SOCAR ilə Gran Tierra Energy Inc. arasında Quba–Xəzəryanı regionunda yerləşən quruda perspektivli sahəni əhatə edən Kəşfiyyat, İşlənmə və Hasilatın Pay Bölgüsü Sazişi (EDPSA) imzalanıb.

Sazişi SOCAR-ın prezidenti Rövşən Nəcəf və Gran Tierra Energy şirkətinin prezidenti və baş icraçı direktoru Qeri Qidri imzalayıb.

Sazişə əsasən, Gran Tierra Energy 65% paya malik olacaq və operator funksiyasını yerinə yetirəcək.

Kəşfiyyat proqramına hava qravimetriya məlumatlarının toplanması, 3D seysmik tədqiqatlar və kəşfiyyat quyularının qazılması daxildir.

Saziş Azərbaycan Respublikasının Milli Məclisi tərəfindən ratifikasiya edildikdən sonra qüvvəyə minəcək.

N.Təbrizli