Ombudsman artıq ödənilmiş pensiyaların tutulma müddətinin 3 ildən 1 ilə endirilməsini təklif edib

Azərbaycan Ombudsmanı Milli Məclisdə çıxışı zamanı artıq ödənilmiş əmək pensiyası və pensiyaya əlavələrin geri tutulması müddətinin 3 ildən 1 ilə endirilməsini təklif edib.

Təklifə əsasən, artıq ödəniş pensiyaçının səhvi ucbatından deyil, müvafiq qurumun fəaliyyətindəki funksional nöqsanlar səbəbindən baş veribsə və sonradan aparılan tutulmalar onun sosial vəziyyətini ağırlaşdırırsa, bu halda geri tutulma müddəti məhdudlaşdırılmalıdır.

Hazırda “Əmək pensiyaları haqqında” Qanunun 39.1-ci maddəsinə əsasən, artıq ödənilmiş məbləğin son 3 il üzrə tutulması nəzərdə tutulur. Ombudsman bu müddətin 1 ilə endirilməsini təklif edir.

Gülnar Nazimqızı