Azərbaycanın könüllü vergi əməl göstəricisi 92,6%-ə çatıb – Orxan Nəzərli

2025-ci ildə Azərbaycanda vergi öhdəliyinə könüllü əməl göstəricisi 92,6% olub.

İqtisadiyyat Nazirliyi yanında Dövlət Vergi Xidmətinin rəisi Orxan Nəzərli Bakıda keçirilən “Vergi sistemində gələcəyə baxış: yeni idarəetmə modeli və data əsaslı qərarlar” forumunda bildirib ki, bu göstərici 2019-cu illə müqayisədə 2,1 dəfə artıb.

O əlavə edib ki, ötən il aktiv vergi ödəyicilərinin sayı 6,5% artaraq 860 minə yaxınlaşıb, bu da 2019-cu illə müqayisədə 73,2% çoxdur.

Nəzərli vurğulayıb ki, 2025-ci il qlobal siyasi və iqtisadi qeyri-müəyyənlik fonunda Azərbaycan iqtisadiyyatı üçün sabitliyin və çevik uyğunlaşmanın ön plana çıxdığı bir il olub.

“Görülən tədbirlər nəticəsində fiskal daxilolmalarda müsbət dinamika əldə olunub”,  - o əlavə edib. 

Aytac