Azərbaycan İranla sərhəddə yük avtomobillərinin hərəkətini dayandırıb

Azərbaycan Nazirlər Kabineti Azərbaycan-İran dövlət sərhədindən yük avtomobillərinin hərəkətinin müvəqqəti olaraq dayandırılması barədə qərar qəbul edib.

Nazirlər Kabinetindən bildirilib ki, qərar martın 5-də İran ərazisindən Azərbaycan Respublikasının Naxçıvan Muxtar Respublikasında mülki infrastruktura pilotsuz uçuş aparatları ilə həyata keçirilən hücumlar fonunda qəbul olunub.

Məlumata görə, hücumlar nəticəsində Naxçıvan Beynəlxalq Hava Limanı, məktəb və digər obyektlər atəşə məruz qalıb. Bir neçə mülki şəxs xəsarət alıb, hava limanının terminal binasına ziyan dəyib.

Rəsmi açıqlamada qeyd olunub ki, beynəlxalq hüququn norma və prinsiplərinə zidd olan bu hücumlar nəticəsində yaranmış vəziyyət nəzərə alınaraq, Azərbaycan-İran sərhədində bütün sərhəd-keçid məntəqələrindən yük avtomobillərinin hərəkəti, o cümlədən tranzit daşımalar müvəqqəti olaraq tam dayandırılıb.

Gülnar