Bir vəkil üzvlüyündən xaric olunub - Rəsmi

Azərbaycan Vəkillər Kollegiyası Rəyasət Heyətinin növbəti iclası keçirilib.

Kollegiyadan verilən məlumata görə, iclasda vəkillərin fəaliyyəti ilə bağlı daxil olmuş müraciətlər və intizam işləri müzakirə olunub.

Qəbul edilən qərarlara əsasən, yol verilmiş intizam pozuntularına görə 1 vəkil Vəkillər Kollegiyasının üzvlüyündən xaric edilib, 3 vəkil barəsində cərimə tədbiri tətbiq olunub.

Bundan əlavə, 1 vəkilə peşə fəaliyyəti zamanı qanunvericiliyin tələblərinə ciddi riayət etməsi barədə tapşırıq verilib.

Gülnar Nazimqızı