Gəncədə yol qəzasında bir nəfər ölüb, bir nəfər yaralanıb

Gəncədə iki minik avtomobilinin toqquşması nəticəsində bir nəfər ölüb, bir nəfər yaralanıb. Bu barədə Qafqazinfo məlumat yayıb. 

Hadisə şəhərin Şah İsmayıl Xətai prospekti ərazisində baş verib. “Chevrolet” və “VAZ” markalı avtomobillərin toqquşması nəticəsində 16 yaşlı Müzəffər Qədimov və 73 yaşlı Mübariz Məmmədov xəsarət alıb.

Yaralılardan Məmmədov xəstəxanaya çatdırılsa da, həkimlərin müdaxiləsinə baxmayaraq onun həyatını xilas etmək mümkün olmayıb. Digər yaralının vəziyyəti barədə əlavə məlumat verilməyib.

Hadisə ilə bağlı araşdırma aparılır.