Banqladeşdə gəmi qəzasında 250 nəfər itkin düşüb

Banqladeş sahillərində Andaman dənizində gəminin batması nəticəsində qadın və uşaqlar da daxil olmaqla ən azı 250 nəfər itkin düşüb.Bu barədə "Dhaka Tribune" qəzeti xəbər verib.

Məlumata əsasən, gəmidə rohinca qaçqınları və Banqladeş vətəndaşları olub

Gəmi Banqladeşin cənubundakı Teknaf rayonundan yola düşüb və Malayziyaya gedirmiş. İlkin məlumatlara görə, gəmi həddindən artıq yüklənmə, güclü külək və fırtına səbəbindən batıb.