Putin Çinə getməyə hazırlaşır

Rusiya Prezidenti Vladimir Putinin Çinə səfərinə hazırlıq görülür. Bu barədə Kreml məlumat yayıb.

Kremlin sözçüsü Dmitri Peskov brifinqdə deyib ki, səfər üzrə hazırlıq işləri davam edir və Çin Rusiyanın “imtiyazlı strateji tərəfdaşıdır”.

“Putinin Çinə səfərinə hazırlıq görüldüyünü təsdiqləyə bilərəm. Çin bizim imtiyazlı strateji tərəfdaşımızdır. Yüksək səviyyəli əlaqələr hazırlanır”, –  o bildirib.

Peskov əlavə edib ki, səfərin vaxtı ilə bağlı məlumat sonradan açıqlanacaq. Onun sözlərinə görə, hazırda Vladimir Putin ilə ABŞ prezidenti Donald Trump arasında görüş planlaşdırılmır.

Bundan əvvəl Çin lideri Xi Jinping Rusiya ilə münasibətlərin mövcud beynəlxalq şəraitdə “xüsusilə qiymətli” olduğunu bildirib və iki ölkə arasında əməkdaşlığın sabitliyini vurğulayıb.

Gülnar