İsrail və Livan arasında 10 günlük atəşkəs elan edilib

ABŞ Prezidenti Donald Tramp İsrail və Livan arasında 10 günlük atəşkəs razılaşmasının əldə olunduğunu bildirib.O, bu barədə “Truth Social” platformasında paylaşım edib.

Tramp Livan Prezidenti Jozef Aun və İsrailin Baş naziri Benyamin Netanyahu ilə apardığı danışıqlardan sonra atəşkəsin Şərq vaxtı ilə saat 17:00-da qüvvəyə minəcəyini açıqlayıb və  bildirib ki, bu, İsrail və Livan arasında son 34 ildə ilk yüksəksəviyyəli təmasdır.

ABŞ Prezidenti həmçinin vitse-prezident Cey Di Vensə, dövlət katibi Marko Rubioya və Birləşmiş Qərargah Rəisləri Komitəsinin sədri Den Keynə tərəflərlə daimi sülhün əldə olunması istiqamətində işləmək tapşırığı verdiyini qeyd edib.

“Dünya üzrə 9 müharibəni həll etmək mənim üçün şərəf idi, bu, 10-cu olacaq”, – Tramp paylaşımında yazıb.