AMB sədri Yelo Bank-ın Aİ sanksiya siyahısına salınmasını “anlaşılmazlıq” adlandırıb

Azərbaycan Mərkəzi Bankı Yelo Bank-la bağlı ciddi problem görmür. Bunu AMB-nin sədri Taleh Kazımov mətbuat konfransında bildirib.

Onun sözlərinə görə, Yelo Bank-ın Avropa İttifaqının sanksiya paketinə daxil edilməsi anlaşılmazlığın nəticəsi olub.

“Yelo Bank-ın Rusiya sisteminə qoşulması Rusiya-Ukrayna münaqişəsindən əvvəl baş verib. Həmin sistem artıq bağlanıb. Yelo Bank həm likvidlik, həm də kapital adekvatlığı baxımından kifayət qədər dayanıqlıdır. Sadəcə, bankın ödənişlərlə bağlı müəyyən çətinlikləri yarana bilər”, - deyə Kazımov qeyd edib.

AMB sədri əlavə edib ki, səbəblərin aydınlaşdırılması üçün müvafiq instansiyalara müraciətlər göndəriləcək.

“Ümid edirik ki, yaxın aylarda Aİ öz qərarını dəyişəcək. Çünki bunun üçün əsas yoxdur”, -  o vurğulayıb.

N.Təbrizli