ABB Özbəkistan bazarına daxil olmağı planlaşdırır

ABB Özbəkistanda özəl banklardan birinin nəzarət səhm paketini əldə etməyi planlaşdırır.

Bunu ABB-nin İdarə Heyətinin sədri Abbas İbrahimov jurnalistlərə açıqlamasında bildirib.

Onun sözlərinə görə, məsələ ABB səhmdarlarının ümumi yığıncağında müzakirə olunub və səhmdarlar bu təşəbbüsə müsbət yanaşıblar.

“İcazə və rəsmiləşdirmə prosesləri sürətlə tamamlanarsa, ABB bu ilin üçüncü rübündən etibarən Özbəkistan bazarında ‘ABB Davr Bank’ adı ilə təmsil oluna bilər”, - İbrahimov bildirib.

O qeyd edib ki, yeni coğrafiyalara genişlənmə ABB-nin 2026-2028-ci illər üzrə inkişaf strategiyasının əsas istiqamətlərindən biridir.

N.Təbrizli