Sabah Bakının bəzi küçələrində nəqliyyatın hərəkəti məhdudlaşdırılacaq

İyunun 26-da Bakının Abbasqulu ağa Bakıxanov küçəsinin Rəşid Behbudov küçəsi ilə kəsişməsindən Azadlıq prospektinədək olan hissəsində təmir işlərinə başlanılacaq.Bu barədə Azərbaycan Avtomobil Yolları Dövlət Agentliyi (AAYDA) məlumat yayıb.

Məlumata görə, təmir işləri ilə əlaqədar sözügedən ərazidə nəqliyyat vasitələrinin hərəkəti işlərin gedişindən asılı olaraq qismən və ya tam məhdudlaşdırılacaq.

AAYDA bildirib ki, məhdudiyyət təmir işləri başa çatanadək qüvvədə qalacaq.