Nazir arxayınçılığa yol verilməməsini tələb edib

Daxili işlər naziri, general-polkovnik Vilayət Eyvazov ilin başa çatmasına az müddət qaldığını diqqətə çatdıraraq əldə edilmiş müsbət nəticələrin davam etdirilməsini və arxayınçılığa yol verilməməsini tələb edib.

O, şəxsi heyətin peşəkarlığının yüksəldilməsi, icra intizamının gücləndirilməsi, müasir texnologiyaların fəaliyyətdə daha geniş tətbiqi üçün təşəbbüskarlığın artırılması və qarşıda duran vəzifələrin yerinə yetirilməsinə bütün qüvvə və imkanların səfərbər olunması ilə bağlı konkret tapşırıqlar verib.