• $
  • €
  • ₽
  • ₺
  • £

Bakı Dialoqunun yekun Bəyannaməsi BMT Baş Assambleyasının və Təhlükəsizlik Şurasının rəsmi sənədi kimi yayılıb

Bakı Dialoqunun yekun Bəyannaməsi BMT Baş Assambleyasının və Təhlükəsizlik Şurasının rəsmi sənədi kimi yayılıb
18.11.2026 16:59

Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyasının təşkilatçılığı ilə 2026-cı il 7–10 oktyabr tarixlərində Bakı Dialoqu çərçivəsində keçirilmiş “İtkin düşmüş şəxslər probleminin həllində etimadın gücləndirilməsi və effektiv mexanizmlərin inkişaf etdirilməsi” mövzusunda IV Beynəlxalq Konfransın yekununda qəbul edilmiş Bəyannamə Birləşmiş Millətlər Təşkilatının Baş Assambleyasının və Təhlükəsizlik Şurasının rəsmi sənədi qismində yayılıb.

Azərbaycan Respublikasının BMT yanında daimi nümayəndəliyinin BMT-nin Baş katibinə ünvanladığı 27 oktyabr 2026-cı il tarixli məktuba əlavə edilmiş Bəyannamə A/81/462–S/2026/849 nömrəsi ilə Baş Assambleyanın 81-ci sessiyasının gündəliyinin müvafiq bəndləri üzrə və Təhlükəsizlik Şurasının sənədi kimi dövriyyəyə buraxılıb.

Bəyannamədə silahlı münaqişələr nəticəsində itkin düşmüş şəxslərin taleyinin aydınlaşdırılması, ailələrin yaxınları barədə məlumat almaq hüququnun təmin edilməsi, fərdi və kütləvi dəfn yerlərinə dair məlumatların mübadiləsi, insan qalıqlarının təhlükəsiz və elmi əsaslarla aşkar edilməsi, identifikasiyası və qaytarılması, habelə beynəlxalq əməkdaşlığın gücləndirilməsi ilə bağlı mühüm müddəalar yer alıb.

Sənəddə dövlətlər, beynəlxalq və qeyri-hökumət təşkilatları arasında təcrübə mübadiləsinin, müasir məhkəmə-ekspertiza metodlarının və yeni texnologiyaların tətbiqinin genişləndirilməsi təşviq edilir. Xüsusilə, BMT və digər beynəlxalq təşkilatlar silahlı münaqişələr nəticəsində itkin düşmüş şəxslər probleminin həllinə yönəlmiş xüsusi beynəlxalq mexanizmin yaradılmasına dəstək göstərməyə çağırılır.

Bəyannamədə Bakı Dialoqunun beynəlxalq təcrübə mübadiləsi, etimadın möhkəmləndirilməsi və ailələrin yaxınlarının taleyi barədə cavab almasına yönəlmiş praktiki əməkdaşlıq üçün getdikcə daha əhəmiyyətli platformaya çevrildiyi vurğulanır. Həmçinin Konfransın təşkilinə və itkin düşmüş şəxslərin taleyinin aydınlaşdırılması istiqamətində milli və beynəlxalq səylərin konstruktiv müzakirəsinə imkan yaradılmasına görə Azərbaycan Respublikasının Dövlət Komissiyasına minnətdarlıq ifadə olunur.

Bəyannamənin BMT Baş Assambleyasının və Təhlükəsizlik Şurasının rəsmi sənədi kimi yayılması Azərbaycanın itkin düşmüş şəxslər probleminin beynəlxalq səviyyədə diqqət mərkəzində saxlanılması və bu sahədə əməkdaşlığın inkişaf etdirilməsi istiqamətində təşəbbüslərinin davamı baxımından mühüm əhəmiyyət daşıyır.

Telegram
Keçid et
Oxşar xəbərlər
Oxşar xəbərlər
İlham Əliyev Latviya və Oman rəhbərlərini təbrik edib
Siyasət 15:26
İlham Əliyev Latviya və Oman rəhbərlərini təbrik edib
Bakıda Azərbaycan və Avstriya arasında siyasi məsləhətləşmələr keçirilib
Siyasət 14:48
Bakıda Azərbaycan və Avstriya arasında siyasi məsləhətləşmələr keçirilib
Zahid Oruc istehsal üçün avadanlıq və xammal idxalında vergi ödənişlərinin təxirə salınmasını təklif edib
Siyasət 13:32
Zahid Oruc istehsal üçün avadanlıq və xammal idxalında vergi ödənişlərinin təxirə salınmasını təklif edib
Müxalifət nümayəndəsi olmaq hüquqi məsuliyyətdən azad etmir  - Bayramov
Siyasət 12:03
Müxalifət nümayəndəsi olmaq hüquqi məsuliyyətdən azad etmir - Bayramov
Milli Məclisin saxlanılmasına 72,3 milyon manat ayrılacaq
Siyasət 11:53
Milli Məclisin saxlanılmasına 72,3 milyon manat ayrılacaq
Əmiraslanov: Dövlət fermerə potensial vergi ödəyicisi kimi baxmır
Siyasət 11:49
Əmiraslanov: Dövlət fermerə potensial vergi ödəyicisi kimi baxmır
Putin və Si Cinpin arasında danışıqlar başa çatıb
Siyasət 11:39
Putin və Si Cinpin arasında danışıqlar başa çatıb
Almaniya XİN rəhbəri Bakı və İrəvan arasında sülh müqaviləsinin imzalanmasına çağırıb
Siyasət 11:30
Almaniya XİN rəhbəri Bakı və İrəvan arasında sülh müqaviləsinin imzalanmasına çağırıb
Azərbaycan və Almaniyanın 9 aylıq ticarət dövriyyəsi $1 milyard
Siyasət 11:17
Azərbaycan və Almaniyanın 9 aylıq ticarət dövriyyəsi $1 milyard
Anews TV

Rəsmi Youtube kanalımız

Abunə ol