İlham Əliyev İspaniya Kralını dünya çempionluğu münasibətilə təbrik edib

Azərbaycan Prezidenti İlham Əliyev İspaniyanın Kralı VI Felipeyə İspaniya milli futbol komandasının 2026 FIFA Dünya Kubokunda qələbəsi münasibətilə təbrik məktubu göndərib.

Prezidentin məktubunda İspaniya yığmasının ikinci dəfə dünya çempionu adını qazanması münasibətilə Kral VI Felipe və İspaniya xalqına təbriklərini çatdırıb.

"2026 FIFA Dünya Kubokunda İspaniya milli futbol komandasının möhtəşəm qələbəsi və ikinci dəfə dünya çempionu adını qazanması münasibətilə Sizi və Sizin simanızda bütün xalqınızı öz adımdan və Azərbaycan xalqı adından ürəkdən təbrik edirəm", – məktubda deyilir.

Dövlət başçısı dünya çempionatında yüksək ustalıq, əzm və iradə nümayiş etdirən İspaniya futbolçularını da təbrik edərək onlara gələcək yarışlarda yeni uğurlar arzulayıb.