Kamboca Baş naziri Bakıya gəlib

Oktyabrın 12-də Bakıda Kamboca Krallığının Baş naziri Hun Manetin rəsmi qarşılanma mərasimi keçirilib. Hər iki ölkənin dövlət bayraqlarının dalğalandığı meydanda ali qonağın şərəfinə fəxri qarovul dəstəsi düzülüb.

Azərbaycan Respublikasının Prezidenti İlham Əliyev Baş nazir Hun Maneti qarşılayıb. Fəxri qarovul dəstəsinin rəisi Kamboca hökumət başçısına raport verdikdən sonra hər iki ölkənin dövlət himnləri səsləndirilib. Fəxri qarovul dəstəsi hərbi marşın sədaları altında liderlərin qarşısından keçib və dövlət başçılarına nümayəndə heyətlərinin üzvləri təqdim edilib.