Bülənd Ersoy var-dövlətini bağışladı - SİYAHI

Türk sənətçisinin prodüseri "Ersoy varidatının yarısını Diyanət Vəqfinə bağışlamağı vəsiyyət edib. O, həmin pullarla məscid tikilməsini və "Quran" kursu açılmasını istəyir" - deyib.
 
Bülent Ersoyun meneceri və prodüseri Fevzi Siverek mediaya aşıqlamasında onu da qeyd edib ki, sənətkar var-dövlətinin digər yarısının Türk Təhsil Fonduna bağışlanmasını istəyib: "Onun vəsiyyəti sərvətinin xeyir işlərində istifadə edilməsidir".
 
Siverek, "Nəyə görə Diyanət"- sualına belə cavab verib: "Bülənd Ersoy, işləyib qazanmağı və xeyir verməyi sevən birisidir. Onsuz da illərdir gizli xeyriyyə işləri aparır. İndi qalan sərvətinin məscid tikdirməsi və Quran kursu açması üçün Dinə ianə etməyi arzu edir".
 
O, "Niyə Əsgər Fonduna ianə etmədi" - sualına belə cavab verib: "Bilirsiniz ki, 12 sentyabr Hərbi Çevrilişi dövründə Ersoya qadağa qoyulmuşdu. Bütün hüquqları əlindən alınmışdı. Bu baxımdan bir az küskündür".
 
Türk mediası Bülent Ersoyun sərvətini də açıqlayıb:
 
 İstanbulda 28 mənzil
 Fənərbaxçada bir sauna zalı
 Fethiye-də benzin stansiyası
 TT Arenanın tikintisində də istifadə edilən qurğu kran və 5 ədəd iş maşını
"Sultans" Restoranın şərikidir
 600 min dollar dəyərində olduğu güman edilən bəzək və xəz
 "Mercedes" avtomobili
 Marmaris bir kənd
 Bodrumda bir villa
 Antalyada bir mənzil


ANN.Az