Barak Obama Kubaya səfər edəcək
18.12.2014 11:56
"Prezidentlik müddətim başa çatanadək Kubaya rəsmi səfər edəcəm”.
ANN.Az AzNews.az-a istinadən xəbər verir ki, bu sözləri ABŞ prezidenti Barak Obama ABC telekanalına müsahibə verərkən deyib. Barak Obama səfərin dəqiq tarixi haqda heç nə deməyib.
"Mən 2009-cu ildən Kuba həbsxanasında yatan və azad edilərək dünən ABŞ-a qayıdan Alan Qrossla telefonla danışdım. Səmimi söhbətimiz alındı. O, ailəsinə qovuşduğu üçün çox xoşbəxt olduğunu dedi”, - deyə ABŞ prezidenti bildirib. Obamanın Kubaya planlaşdırılan səfəri barədə Ağ Evin rəsmi nümayəndəsi Coş Ernest də məlumat verib.
Qeyd edək ki, Vaşinqtonla rəsmi Havananın diplomatik əlaqələri 1961-ci ildə kəsilib. ABŞ prezidentinin Kubaya son səfəri isə 1928-ci ildə prezident Kelvin Kulidc tərəfindən reallaşdırılıb.
ANN.Az
Foto 
Video 
