"Türkiyədə azərbaycanlı tələbələrin oturum icazəsi almaq problemi var" - MÜSAHİBƏ

- Son illərdə Türkiyədə universitetlərin sayınının artmasıyla bağlı burda təhsil alan tələbələrimizin də sayı iki dəfə artıb. Bir çox universitetdə oxumaq üçün sadəcə bizim atestatlar yetərlidir. Bu sayın artmasına xüsusilə təsir edir. Türkiyə dövlət qurumlarıyla birgə çalışmalarımıza əsaslanaraq, bu sayın 8000 üzərində olduğunu deyə bilərik (2012-də bu rəqəm 4700 nəfər olub- müəl.). Türkiyənin 81 ili (rayon – müəl.) var ki, bunun da 71-ində təhsil alan tələbələrimiz var. Qeydiyyata alınmayan tələbələrin də olması mümkündür. Çünki Türkiyənin təhsil sistemi elədir ki, ilin istənilən dönəmində tələbə mazun ola bilir, universitetlə əlaqəsini kəsə bilir. Bununla bağlı bilgilərin göndərilməsi bəzən gecikir. Biz hər təhsil ilinin əvvəlində, smestrlərin sonunda universitetlərlə əlaqə saxlayıb neçə tələbəmizin qeydə alındığını, müvəffəqiyyətləriylə bağlı bilgilər alırıq.

-  Gənclərimiz daha çox İqtisadi İdari Bilimlər Fakültəsinə girirlər. Bu fakültə içərisində iqtisadi işlətmə, beynəlxalq əlaqələr bölmələri mövcuddur.  Tibb, hüquq, mühəndislik oxuyanlarımız çoxdur. Amma bütün başqa ixtisaslar üzrə də oxuyan tələbələrimiz var.

-  Bəlkə vətəndən uzaqda olduqlarındandır, gənclərimiz çox vətənpərvərdirlər. 20 yanvar, Xocalı faciələrinin ildönümünə  aylar qalmış başlayırlar əlaqə saxlamağa ki, oxuduğumuz universitetdə tədbir keçiririk, bizə dəstək olun. Sadəcə Ankara, İstanbul və İzmir kimi şəhərlərdən deyil, hər şəhərdən əlaqə saxlayırlar. Həm də sadəcə türk vətəndaşları deyil, onlarla bərabər təhsil alan xarici vətəndaşları da tədbirlərinə cəlb etməyə çalışırlar. Biz də əlimizdən gəldiyi qədər dəstək veririk. Onlara tanıtım məqsədli materiallar göndəririk. Keçən il İzmirdəki tələbələrimiz vasitəsiylə "Xocalı  xarici tələbələrin gözüylə” yarışması təşkil etmişdik. Dünyanın 31 ölkəsindən İzmirdə təhsil alan tələbə gənclər yarışmaya qatılmışdı.