Ukraynalıları əsəbləşdirəcək rus klipi - "Moy Putin"+VİDEO

Novosbirskdən olan Maşani adlı müğənni Rusiya dövlət başçısı Putinin şərəfinə "Moy Putin" ("Mənim Putinim") adlı mahnıya klip çəkdirib. Mahnının sözlərindən aydın olur ki, Putin bütün əsən rüzgarlara qarşı sinə gərməyi bacarır. Amma mahnının sözlərindən daha çox klipin süjet xətti maraq kəsb edib.

ANN.Az xəbər verir ki, 2 gün əvvəl "Youtube"a yerləşdirilən klip qısa müddət ərzində 700 mindən çox adam tərəfindən izlənilib.

Klipdə müğənni gözəl təbiət qoynunda və əynində Rusiya bayrağının rəmzi olan paltarda öz prezidentini mədh edir, onu dəstəklədiyini, onun yolu ilə getmək istədiyini deyir. Arada müğənni Ukrayna bayrağındakı rənglərdən ibarət paltarda, qaranlıq və heç bir çıxışı olmayan qapalı yerdə göstərilir. Rəmzi olaraq göstərilir ki, Ukraynaya yardım edə biləcək şəxs ancaq Putindir. Klipin sonunda müğənni Maşani Ukrayna paltarında həmin qaranlıq yerdən cıxış qapısı tapır və klip bu sözlərlə bitir: "Səninlə olmaq istəyirəm Putin, məni də özünlə götür Putin!"

ANN.Az