İlham Əliyev Putinə başsağlığı verdi
02.04.2015 16:08
Azərbaycan prezidenti İlham Əliyev rusiyalı həmkarı Vladimir Putinə "Dalniy Vostok” traulerinin qəzaya uğraması nəticəsində insanların həlak olması ilə bağlı başsağlığı verib.
ANN.Az dövlət başçısının rəsmi saytına istinadla xəbər verir ki, başsağlığı məktubunda deyilir:
"Oxot dənizində "Dalniy Vostok” traulerinin qəzaya uğraması nəticəsində çoxsaylı insan tələfatı haqqında xəbər məni dərindən kədərləndirdi.
Azərbaycan xalqı adından və şəxsən öz adımdan Sizə, həlak olanların doğmalarına və yaxınlarına dərin hüznlə başsağlığı verir, zərərçəkənlərin tezliklə sağalmalarını arzu edirəm.
www.ann.az
Foto 
Video 
