Daha 5 Azərbaycan vətəndaşı Yəməndən təxliyə edildi
03.04.2015 09:11
Rusiyaya məxsus ikinci təyyarə Yəməndən təxliyə edilən yerli və digər ölkə vətəndaşlarından ibarət növbəti qrupu Moskvaya gətirib.
"Report" TASS-a istinadən xəbər verir ki, ikinci təyyarə ilə təxliyə olunanlar arasında 5 Azərbaycan vətəndaşı var.
Təyyarə Yəməndən uçan birinci hava gəmisindən bir neçə saat sonra Moskva vilayətinin Çkalovski aerodromunda eniş edib.
Təyyarənin göyərtəsində təqribən 150 sərnişin olub. Bunlar Rusiya, Özbəkistan, Tacikistan, Yəmən, Belarus, Azərbaycan, Polşa, Qırğızıstan və Ukrayna vətəndaşları olublar.
Qeyd edək ki, birinci təyyarə reysi ilə iki Azərbaycan vətəndaşı təxliyə edilmişdi.
www.ann.az
Oxşar xəbərlər
Oxşar xəbərlər
Foto 
Video 
