Bu art deyil, çirkli dənizdir - FOTOLAR

1) Xəzərə axan çaylar vasitəsi ilə gələn çirkləndiricilər, 

2) Sahil zonasında yerləşən şəhərlərdən və sənaye obyektlərindən çirklənmə, 

3) Dənizdə neft hasilatı və nəqli ilə əlaqədar çirklənmə, 

4) Xəzər dənizi səviyyəsinin qalxması nəticəsində sahil zonasında su altında qalmış mənbələrdən çirklənmə. 

Bu çirklənmə mənbələri içərisində birinci yeri Xəzərə axan çaylar vasitəsi ilə gətirilən çirkləndirmə tutur. Misal üçün, son məlumatlara görə çaylar vasitəsi ilə Xəzər dənizinə ildə 75 mln. ton neft məhsulları gətirilir və bunun 95 faizi Volqa çayının payına düşür.

Bir də var ki, bu yuxarıda sadaladığımıza aid olmayan çirklənmə mənbəsi – yəni Xəzərin sahilinə dincəlmək üçün gələn, amma əlindəki zir-zibili suya tullayan adamların münasibəti. 

Təəssüf ki, bizə bəxş olunan sərvətin qədrini bilmir, onu yetərincə qiymətləndirmirik. Bunun da müqabilində təbiət bizimlə belə zarafatlar edir – ANN.Az xəbər portalının fotomüxbirinin hazırladığı fotosessiyadan da göründüyü kimi bəzi şəkillər ebru sənət nümunələrinə çox bənzəyir: günəş şüalarının fonunda suyun üzərinə yığılıb qalan mazut və çirk "bərq vurur”. 

Lakin bu art deyil, çirkli dəniz mənzərəsidir.