​NATO-nun baş katibi: "Rusiyanı qəfil təlimlər keçirməməyə çağırırıq"

"Report" xəbər verir ki, NATO-nun baş katibi Yens Stoltenberg "CBS" telekanalına müsahibəsində belə deyib. 

"Biz Rusiyanı qəfil təlimlər keçirməməyə çağırırıq. Hər bir dövlətin, o cümlədən Rusiyanın hərbi təlim keçirmək hüququ var. Ancaq anlaşılmazlıqların yaranmamsı üçün bu tədbirlər daha şəffaf və nəticəsi öncədən bilinən olmalıdır", - o vurğulayıb.

Qeyd edək ki, ötən gün ABŞ prezidenti Barak Obama Ağ evdə NATO baş katibi ilə görüşüb. Görüşdən sonra Ağ evin mətbuat katibi Coş Ernest bildirib ki, ABŞ Rusiyanın keçirdiyi hərbi təlimləri diqqətlə izləyir.