Lukaşenko Bakıya gəlir
11.06.2015 15:25
Belarus Respublikasının prezidenti Avropa Oyunlarının açılışına qatılacaq.
Belarus Respublikasının prezidenti Aleksandr Lukaşenko 11-13 iyun tarixlərində Azərbaycan Respublikasına işgüzar səfərdə olacaq.
ANS PRESS-in məlumatına görə, bu barədə Belarus prezidentinin mətbuat xidmətindən məlumat verilib.
Məlumatda qeyd edilir ki, dövlət başçısı I Avropa Oyunlarının rəsmi açılış mərasimində iştirak edəcək. Bundan əlavə, Belarus Prezidenti bir sıra ikitərəfli görüşlər keçirəcək və idman obyektlərinə baş çəkəcək.
Xatırladaq ki, Azərbaycanda keçiriləcək I Avropa Oyunlarında iştirak edəcək ölkələrdən Rusiya, Türkiyə və Serbiya prezidentləri Bakıya səfər edəcəyini açıqlayıb.
Birinci Avropa Oyunlarının Açılış Mərasimi iyunun 12-də baş tutacaq. I Avropa Oyunları 12-28 iyun tarixlərində keçiriləcək və yarışlarda 50 Avropa ölkəsindən 6 mindən çox idmançı qatılacaq.
www.ann.az
Oxşar xəbərlər
Oxşar xəbərlər
Foto 
Video 
