Kənan Yavuz: "TANAP 15 min yeni iş yeri açacaq"

K.Yavuzun sözlərinə görə, Cənub Qaz Dəhlizi (SGC) və TANAP təkcə enerji layihələri deyil, onların Avropanın enerji siyasətində böyük rolu var:

"Nəzərə almaq lazımdır ki, TANAP Xəzər qazının Avropa bazarına çatdırılmasını təmin edəcək. Həmçinin, digər mənbələrdən əldə edilən 16 mlrd. kubmetr əlavə qaz da Avropa bazarına çıxarılacaq. SGC-in ümumi investisiya dəyəri 45 mlrd. dollardır və TANAP-ın çəkilməsi ilə 15 min insan iş yeri tapacaq. Boru kəməri ümumilikdə 20 region, 67 rayon, 600 kənddən keçəcək ki, onun da 60%-dən çoxu dağlıq bölgələrin payına düşəcək. Bizim boru xətlərinin çəkilməsi üçün 3 fəsildə 110 gün vaxtımız var. Yalnız bu vaxtlar boru xətti çəkmək mümkündür".

Qurum rəsmisi TANAP-ın çəkilməsində risklərlə qaşılaşdıqlarını da deyib: "Biz öncədən haqqında xəbərimiz olmadığı 106 arxeoloji ərazi ilə qarşılaşdıq. Həmçinin, boruların ağılrlığı 8,5-9 ton civarındadır ki, onları da həmin ərazilərə daşımaq çətinlik yaradır".

Xatırladaq ki, TANAP üzərində 3 tərəfin pay sahibliyi var. Onun 58%-i SOCAR-a, 30%-i BOTAŞ-a, qalan 12%-i isə BP-yə məxsusdur.
www.ann.az