“Xəzər Lənkəran”ın sonuncu rəqibi də Türkiyə klubu olacaq
29.05.2020 03:08
Türkiyə toplanışı çərçivəsində bu gün "Kayserispor”la yoxlama oyunu keçirəcək "Xəzər Lənkəran”ın növbəti sparrinq rəqibinin də adı bəlli olub.
Apasport.az saytının məlumatına görə, "ağ-yaşıllar” qardaş ölkədə sonuncu oyunlarını da yerli komandaya qarşı keçirəcəklər.
Belə ki, Yunis Hüseynovun yetirmələri III liqa təmsilçisi "Derincespor”la qarşılaşacaq. Görüş iyulun 24-də, "Xəzər Lənkəran”ın Kapadokiya bölgəsində qaldığı otelin stadionunda baş tutacaq.
Bu oyunla Türkiyə toplanışını başa çatdıracaq cənub klubu ayın 25-də Azərbaycana qayıdacaq.
Qeyd edək ki, "Xəzər Lənkəran” Türkiyədə keçirdiyi əvvəlki yoxlama görüşlərində "Niğdespor” (1:0) və "Antalya Kunduspor”a (8:1) qalib gəlib, "Kasımpaşa”ya isə məğlub olub (0:2).
www.ann.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
