"Fənərbaxça"nın oyunundan sonra təəccübləndirən - Foto
29.05.2020 03:34
Çempionlar Liqasının III təsnifat mərhələsinin ilk oyunu çərçivəsində keçirilən "Fənərbaxça" - "Şaxtyor" (Donetsk) matçından sonra yaşanan olay şübhələrə səbəb olub.
Qol.Az-ın Türkiyə mətbuatına istinadən verdiyi məlumata görə, "Şükrü Saracoğlu" stadionda keçirilən görüşün portuqaliyalı hakimi Manuel Xorxe Neves və onun köməkçiləri arenadan hədiyyə ilə ayrılıb.
Avropa yarışlarında oyundan sonra meydan sahiblərinin hakimlərə hədiyyə verməsi təbii hal sayılır. Lakin portuqaliyalı referilərə hədiyyənin "Fənərbaxça" klubundan deyil, Donetsk təmsilçisi tərəfindən verilməsi görənləri təəccübləndirib.
Qeyd edək ki, "Fənərbaxça" - "Şaxtyor" oyunu 0:0 hesabı ilə başa çatıb. Bu komandalar arasında cavab görüşü avqustun 4-də Ukraynada keçiriləcək.
www.ann.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
