Sosial Tədqiqatlar Mərkəzinin keçirdiyi sorğu nəticələrinə əsasən Bakıda 73%, Sumqayıda 69%, Gəncədə 53% insan yaşadığı binanın zəzlələ dözümlü olduğuna inanır. Bu barədə açıqlanan nəticələrdə qeyd olunub.
26% respondet isə zəzlələ dözümlülüyünə inanmadığını, 4% insan isə cavab verməkdə çətinlik çəkdiyini deyib.
30 il ərzində tikilən binalarda məskunlaşanların 34%-i, istismar müddəti 30 ildən çox olan binalarda yaşayanların isə
25%-i yaşadığı binanın zəlzələyə
qarşı dözümlü olduğuna inanmır.
Beş
və doqquz mərtəbəli binalarda yaşayanların ümumilikdə 73%-i, on və daha yüksək mərtəbəli binalarda yaşayanların isə 64%-i binanın zəlzələ hadisəsinə qarşı
dözümlü olduğuna inanır.
Yeni binalarda yaşayanların yarısı (50%-i) inamsızlığını istifadə edilən tikinti materialların keyfiyyətinin aşağı olması, 27%-i binanın bünövrə və konstruksiyasının
möhkəm olmaması, 27%-i qonşu tikililərin
yaxın olması amilləri ilə izah edib. İştirakçıların 23%-i öz mövqeyini dövlət nəzarətinin yetərli olmaması, 17%-i tikinti aparan şəxslərin/şirkətlərin
peşəkar olmaması və digər faktorlar ilə əsaslandırıb.
Köhnə binalarda
yaşayanların isə əsas hissəsi (54%-i)
binanın zəlzələ riskinə qarşı zəifliyini binanın
yaşı ilə əlaqələndirib. İştirakçıların 23%-i
binanın bünövrə və konstruksiyasının
möhkəm olmadığını ifadə edib, mövqeyini binanın zirzəmisinə axıdılan çirkab
suları ilə əsaslandırıb. Materialların keyfiyyətinin aşağı olması cavabı köhnə
binalarda yaşayanların 14%-i, qonşu
tikililərin yaxın olması cavabı isə cəmi 9%-i
tərəfindən qeyd olunub.
Beş
və doqquz mərtəbəli binalarda yaşayanların 48%-i
zəlzələ hadisəsinə qarşı əsas risk amili kimi binanın yaşını irəli sürüblər.
Sorğuda iştirak edənlərin
mümkün zəlzələ halında davranışları öyrənilib. Onların 52%-i zəlzələ olarsa mənzil daxilində təhlükəsiz bir yerə
sığınacağını, 33%-i mənzili dərhal tərk
etməyə çalışacağını bildirib. 9%-i
bu halda nə edəcəyini bilmədiyini, 5%-i
yalnız zəlzələnin keçməsini gözləyəcəyini ifadə edib.
Fevralın 6-də iki dəfə doqquz saat fərqlə 7.6 və 7.7 bal gücündə zəlzələ baş verib. Nəticədə 46 mindən çox insan ölüb. Zəlzələ Türkiyənin 11 vilayətində eləcə də qonşu ölkələrdə də hiss olunub.
Azərbaycanlı deputat Vahid Əhmədov bir müddət öncə mətbuata açıqlama verərək bildirib ki, ona olan məlumata görə Azərbaycanda doqquz mərtəbədən artıq binaların tikilməsinə qadağa qoyulacaq.
Bu barədə hər hansı bir rəsmi qərar və qanun yoxdur.
Gülnar Nazimqızı
www.anews.az
Bizi sosial şəbəkələrdə izləyin !
