Azərbaycanın Dağlıq Qarabağ bölgəsinə yerləşdirilən Rusiya sülhməramlıları ərazidəki müdafiə-müşahidə məntəqələrində müntəzəm olaraq antiterror təlimlər keçirirlər, bu barədə Rusiya Müdafiə Nazirliyinin yaydığı məlumatda bildirilir.
Rus sülhməramlıların 2 bundan qabaq ay gəlməsinə baxmayaraq artııq bir neçə dəfə belə təlimlər keçirilib.
Hərbi ekspert Ədalət Verdiyevin sözlərinə görə, təlim elə bir prosesdir ki, o daim davamlı keçirilməlidir.
Ekspert Ramil Məmmədli isə hesab edir ki, rus sülhməramlıları hərbi təlimlər keçirtməzdən öncə Azərbaycan dövlətinə bu barədə məlumat verir.
"Sülhməramlıların təlim keçməsinə bir neçə istiqamətdən baxmaq lazımdır. Təbii ki, onlar da hərbi birləşmədir və onlar davamlı olaraq öz xidmətlərinə uyğun olaraq təlimlər keçməlidirlər. Hesab edirəm ki, Azərbaycan dövlətinə bildirilərək bu təlimlər keçirilir. Ərazinin relyefinə uyğun olaraq xidmət aparılmasının təkmilləşdirilməsi məqsədi daşıyır. Bununla bağlı müəyyən məsələlər meydana çıxa bilər. Bunu normal qəbul etmək lazımdır”- deyə o, bildirib.
Milli Məclisin Hüquq siyasəti və dövlət quruculuğu komitəsinin üzvü Fəzail Ağamalı hesab edir ki, sülhməramlılar öz səlahiyətlərindən başqa bütün işləri görürlər.
Deputat bu məsələyə son qoymağa çağırdı.
"Vəziyyət bu şəkildə davam edə bilməz. Sülhməramlılar öz funksiyasından kənara çıxmalı, özlərini buranın sahibi kimi göstərməlidirlər. Çünki bu ərazilər Azərbaycanın tarixi ərazisidir. Putin də bunu dəfələrlə deyib. Prosesi izləyirik.Hər halda bu məsələlər yaxın bir ayda öz həlllini tapacaq”.
Son olaraq deputat onu qeyd edib ki, əgər rus sülhməramlıları Qarabağda antiterror əməliyyat keçirdirsə o zaman onlar Qarabağda gizlənən erməni silahlı terorçuları da tərkisilah etməlidir. Əgər təlimlərin nəticəsi budursa biz sadəcə bunu alqışlaya bilərik. Yox əgər Azərbaycanın suverenliyinə xələl gətirəcəksə biz buna etirazımısı bildirəcəyik".
Azərbaycan Müdafiə Nazirliyindən məsələyə münasibət bildirmək istəmədilər.
Gülnar Nazımqızı
www.anews.az
Bizi sosial şəbəkələrdə izləyin !