Rusiya Avropa İttifaqının (Aİ) Ermənistana yeni mülki missiya göndərmək yaratmaq qərarını kəskin tənqid edərək, bunun Ermənistan və Azərbaycan arasında gərginliyin hökm sürdüyü regionda "geosiyasi qarşıdurmanı” daha da gücləndirəcəyini bildirib. Bu barədə Reuters agentliyi yazıb.
Aİ bildirib ki, bazar ertəsi təsdiq edilmiş iki illik missiya Ermənistanın sərhədyanı ərazilərində sabitliyə kömək edəcək , "Ermənistan və Azərbaycan arasında münasibətlərin normallaşdırılması səyləri üçün əlverişli mühit” təmin edəcəkdir.
Rəsmi Moskva Cənubi Qafqazda əsas vasitəçidir və özünün "yaxın xaric” adlandırdığı keçmiş sovet respublikalarına kənar qüvvələrin istənilən müdaxiləsindən daim narazılığını bildirir. O, 1991-ci ildə Sovet İttifaqının dağılmasından sonra ikinci Ermənistan və Azərbaycan müharibəsinin sonunda 2020-ci ildə bölgəyə sülhməramlılarını göndərib.
Amma Ukraynadakı müharibə Kremlin nüfuzunu aşağı salıb və onun diqqətini post Sovet məkanında olan digər müharibə ocaqlarından yayındırır.
"Avropa İttifaqı nümayəndələrinin Ermənistanın sərhədyanı rayonlarında görünməsi regiona yalnız geosiyasi qarşıdurma gətirə və mövcud ziddiyyətləri daha da gücləndirə bilər”, - Rusiya Xarici İşlər Nazirliyinin bəyanatında deyilir.
"Aİ-nin nəyin bahasına olursa-olsun Ermənistanda möhkəmlənmək və Rusiyanın vasitəçilik səylərini boğmaq cəhdləri regionda dinc inkişafa qayıtmaq istəyində olan ermənilərin və azərbaycanlıların fundamental maraqlarına zərər verə bilər”.
Nazirlik əlavə edib ki, Rusiya sülhməramlıları və Ermənistan sərhədlərində yerləşdirilən Rusiya sərhədçiləri yaxın gələcəkdə regional sabitliyin əsas amili olaraq qalacaqlar.
Aİ-nin bu addımı Rusiya sülhməramlılarının Qarabağın nəzarətlərində olan ərazisinə ərzaq, yanacaq və dərman çatdıra biləcəyi yeganə yol olan Azərbaycandan keçən Laçın dəhlizini yenidən açmaması ilə bağlı artan narazılıq fonunda baş verir.
Dekabrın 12-də özlərini ekoloji fəallar çadırlar quraraq nəqliyyatın hərəkətini dayandırdıqdan sonra dəhliz ilə ermənilərin hərəkəti məhdudlaşdırılıb. Azərbaycan hər hansı blokadanı rədd edir və deyir ki, fəallar mədənlərə qanunsuz hasilata qarşı qanuni etiraz aksiyası keçirirlər.
Kreml çərşənbə axşamı bildirib ki, Rusiya problemi həll etmək üçün hər iki tərəflə danışıqlar aparır.
N.Təbrizli
www.anews.az
Bizi sosial şəbəkələrdə izləyin !
