Moskva İsrailin Livana qarşı genişmiqyaslı hərbi hücumlarını kəskin şəkildə pisləyir. Bunu Rusiya Xarici İşlər Nazirliyinin sözçüsü Mariya Zaxarova bildirib.
Diplomat Livandakı son eskalasiyanın dərin narahatlıq doğurduğunu vurğulayıb.
"Sentyabrın 23-də İsrail rəhbərliyi İsrail Müdafiə Qüvvələrinin Hizbullah hərəkatının hərbi infrastrukturunu sarsıtmağa yönəlmiş "Şimal oxları” adlı hücum əməliyyatına başladığını elan edib. İsrail Hərbi Hava Qüvvələri Livan boyu kütləvi hava hücumları həyata keçirib, ölkənin cənubunda və şərqində onlarla yaşayış məntəqəsi hədəfə alınıb. Hizbullah da öz növbəsində İsraildəki hərbi obyektlərə raket hücumlarını gücləndirib”, - o əlavə edib.
O bildirib ki, xüsusilə mülki şəxsləri hədəf alan, ayrı-seçkilikdən kənar hücumların yolverilməzliyini vurğulayıb.
Bundan əlavə, diplomat Rusiya vətəndaşlarına Livana səfərdən çəkinmək üçün cari tövsiyələri xatırladıb.
Bir gün əvvəl İsrail ordusunun sözçüsü Daniel Həcəri bildirib ki, ölkənin hava qüvvələri Livan boyu Hizbullah şiə hərəkatının 1300 hərbi obyektinə zərbələr endirib. Livanın Səhiyyə Nazirliyinin məlumatına görə, İsrailin reydləri nəticəsində 490-dan çox adam ölüb, 1600-dən çox insan yaralanıb.
Aytac Zeynalova
www.anews.az
Bizi sosial şəbəkələrdə izləyin !
