Rusiyanın 480 hərbçisi həlak olub

Ukrayna ordusu son sutkada Rusiyanın 480 hərbçisini məhv edib. Bu barədə Ukrayna Silahlı Qüvvələrinin Baş Qərargahı məlumat yayıb.

Bildirilib ki, müharibə başlayandan bu günə kimi Rusiya ümumi itkilərinin sayı  274 950  nəfərə çatıb.

Son sutkada Rusiyaya məxsus 2 tank, 17 zirehli döyüş maşını, 23 artilleriya sistemi Ukrayna ordusu tərəfindən sıradan çıxarılıb.

Son məlumatlara görə, Müdafiə qüvvələri Baxmutun cənubunda hücum əməliyyatlarını davam etdirir və Melitopol istiqamətində irəliləyiblər. Bu barədə Ukrayna Silahlı Qüvvələrinin Baş Qərargahı səhər hesabatında məlumat verib. 

 

"Ukrayna Müdafiə Qüvvələri Ukraynanın şərqində və cənubunda müdafiəni, Melitopol istiqamətində hücum əməliyyatını və Baxmut istiqamətində hücum əməliyyatlarını davam etdirir, düşməni məhv edir, müvəqqəti işğal olunmuş əraziləri addım-addım azad edir və əldə olunan xətlərdə möhkəmlənir. Son 24 saat ərzində 26 hərbi toqquşma baş verib”, - Baş Qərargahın səhər hesabatında bildirilib.

Amerika Tədqiqi İnstitutunun analitikləri bildirirlər k, Ukrayna hərbçilərinin Zaporojye vilayətinin Rabotino kəndi ərazisində əks-hücum əməliyyatlarını davam etdirilir

Rusiya Ukrayna müharibəsi ötən ilin 24 fevralında Rusiyanın Ukraynaya hücumu nəticəsində  başlayıb.