Sabah İmişlinin qaz təchizatında fasilə olacaq

Sabah İmişli şəhərinin bir hissəsinin qaz təchizatında fasilə olacaq.

"Report"un məlumatına görə, diametri 159 mm-lik qaz kəmərinin H.Aslanov küçəsindən keçən hissəsindən ayrılan, diametri 57 mm-lik qaz kəməri üzərinə Dş 50 mm-lik siyirtmənin quraşdırılması məqsədilə sabah saat 14:00-dan etibarən işlər yekunlaşana qədər İmişli şəhərinin bir hissəsində (ümumi 1000 abonent) qaz təchizatının dayandırılması planlaşdırılır.