Şarl Mişel İlham Əliyevi təbrik edib

21:50 | 08.02.2024
Şarl Mişel  İlham Əliyevi  təbrik edib

Şarl Mişel İlham Əliyevi təbrik edib

Avropa İttifaqı Şurasının Prezidenti Şarl Mişel fevralın 7-də Azərbaycan Respublikasında keçirilmiş Prezident seçkilərində qələbə münasibətilə Prezident İlham Əliyevi təbrik edib və yeni mandatın icrası zamanı ona  uğurlar arzulayıb. Bu barədə Azərbaycan Prezidentinin Mətbuat Xidməti məlumat yayıb.

O,  həmçinin  Azərbaycan və Avropa İttifaqı arasında əlaqələrin müxtəlif aspektlərini, energetika və nəqliyyat sahəsində əməkdaşlıq məsələlərini İlham Əliyev ilə müzakirə edib.  Şarl Mişel nəqliyyat və logistika  sahəsində Avropa İttifaqının region ölkələri ilə əlaqələri inkişaf etdirmək üçün konkret layihələrlə çıxış etdiyini vurğulayıb.

Tərəflər COP29-un Azərbaycanda keçirilməsi və bu çərçivədə Avropa İttifaqı ilə Azərbaycan arasında əməkdaşlıq məsələlərinə də toxunub.

Şarl Mişel Prezident İlham Əliyevdən üçtərəfli formatda Brüsseldə Azərbaycan, Ermənistan və Avropa İttifaqı arasında görüşlərin bərpa edilməsi ilə bağlı  mövqeyini bildirməsini xahiş edib.

Prezident İlham Əliyev Azərbaycanın həmişə Şarl Mişelin təşəbbüsü ilə Brüsseldə keçirilən üçtərəfli görüşləri dəstəklədiyini bildirib.

Tərəflər Ermənistan ilə Azərbaycan arasında sülh danışıqları ilə bağlı fikir mübadiləsi aparıb,  Azərbaycan Respublikası Prezident Administrasiyası və Ermənistan baş nazirinin aparatı arasında ikitərəfli əsasda 7 dekabr tarixində qəbul edilmiş birgə bəyanatın irəliyə doğru mühüm addım olduğunu qeyd edib. 

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb