Onun sözlərinə görə, 2024-cü ilin noyabrında binanın blokunda  işıq sayğaclarının yerləşdiyi qutuda quraşdırılan sayğaclardan birində yanğın baş verib. Nəticədə qutudakı 12 sayğacın hamısına ziyan dəyib.

 

"Vətəndaş evində oturduğu vaxt sayğac yanırsa cəriməni niyə vətəndaş ödəməlidir? Hadisə baş verən vaxt yanan sayğacları "Azərişığ"ın əməkdaşları söküb apardılar. Bir həftə sonra yenisini gətirdilər. Sonra isə bizə 372401 nömreli akt tərtib olundu. Aktda yazılıb ki, abonentə məxsus hesablama elektrik sayğacı yerində aşkar olumadığı ücün 84.64 manat sayğacın dəyəri olaraq cərimə qeydə alınsın. Maddədə yazılıb ki, elektrik enerjisindən istifadə qaydalarınin 7.6 bəndinə əsasən, istehlakçının, o cümlədən məişət abonentinin təqsirindən zədələnən və ya itmiş elektrik sayğacı üçün cərimədir.  Aktda qeyd olunub ki, sayğac yerində olmayıb. Sayğacı sökən "Azərişıq"dır. Əvvəlcə söküb, sonra isə deyir ki, sayğac yerində olmayıb. Sayğacın niyə sıradan çıxması ilə bağlı bizə heç bir rəsmi məlumat verilməyib",  - Quliyev bildirib. 

 

O həmçinin bildirib ki, yanğından sonra binaya FHN  yanğınsöndürənləri, polis və təcili yardım briqadası gəlib, hadisə ilə bağlı akt tərtib olunub. 

 

"Binada "Azərişiq" ASC-nin təqsiri üzündən yanğın baş verib. Çünki kabellər zay olub.  Hadisə yerinə FHN yanğınsöndürənləri, polis, təcili yardım briqadası və sair qurumlar gəlib. Bu barədə də akt tərtib olunub və bildirilib ki, binada vətəndaşların sayğacları yanğın nəticəsində yararsız hala düşüb",   - Quliyev bildirib.

 

Yanğının baş verdiyi binanın komendantı Seymur Quliyev isə sakinlərlə  razılaşmır və bildirir ki, yanğın naqillərin yararsız olması səbəbindən baş verməyib. 

 

"Sayğac qutusu ilə üzbəüz kamera  quraşdırılıb. Bu görüntülərdə aydın görünür ki, yanğın bir sayğacda  başlayaraq digərlərinə keçib. Buna görə, MTK məsuliyyət daşımır. Ola bilər kiminsə evində qısaqapanma olub və digərlərinə keçib. Onlara biz yox "Azərişıq" müdaxilə edə bilər. Kimsə şikayət edə bilər. MTK heç kimə borc yazmayıb", - Quliyev bildirib. 

 

O,  həmçinin bildirib ki,  yanğın baş verən gün "Azərişıq" özü onları sayğacsız  işəqla təmin edib və 3-4 gün vətəndaşlar sayğacsız elektriklə təmin olunublar. 

 

 

"Ancaq laboratoriya araşdırması nəticəsində sayğacın sıradan çıxma səbəbləri müəyyən edilə bilər. Əgər belə bir araşdırma olmayıbsa sayğacın vətəndaşların müdaxiləsi nəticəsində sıradan çıxmasını iddia etmək olmaz.  Böyük ehtimal ki, sayğaclar çöldə quraşdırılıbsa, bu vətəndaşların səhvi ucbatından ola bilməz.  Birinci alov  yaranan sayğacın xəttində  problem ola bilər və yaxud müdaxilə oluna  bilər. Bu halda digər sayğaclara da cərimənin yazılması doğru deyil.  Əgər nəticələrdə zavod qüsuru çıxarsa, bu halda zərər "Azərişığ"ın hesabına ödənilməlidir",  -  hüquqşünas vurğulayıb.

 

 

Anews.az-ın "sayğaclar laborator yoxlamadan keçibmi"sualına  isə "Azərişıq" rəsmisi cavab verməyib. 

 

 

 

Hüquqşünasın sözlərinə görə, qurum sayğacların  laboratoriyada yoxlanmasını təmin etmirsə vətəndaşların məhkəməyə müraciət etmək hüququ var.