Karbon emissiyaların 5%-i səhiyyə sistemi tərəfindən yaradılır - Deputat

Dünyada karbon emissiyalarının təxminən 5 faizinin səhiyyə sistemi tərəfindən yaradıldığını bildirən Milli Məclisin deputatı Rəşad Mahmudov süni intellektin (Sİ) səhiyyədə həm ekoloji yükü azaltmaq, həm də xəstəliklərin həlli prosesini sürətləndirmək üçün böyük potensiala malik olduğunu deyib.

Parlamentdə keçirilən “İqlim dəyişikliyi ilə mübarizədə süni intellektin rolu” mövzusunda keçirilən elmi-praktik konfransda çıxışında Mahmudov qeyd edib ki, Sİ artıq qlobal səviyyədə tibbi qərarların, diaqnostikanın və xəstəlik proqnozlarının əsas komponentinə çevrilir.

Deputatın sözlərinə görə, Sİ-nin istifadəsi qanunvericiliklə tənzimlənməli, risklər – xüsusilə yanlış və ya qeyri-dəqiq məlumatların generasiyası – nəzərə alınmalıdır.

“Bu texnologiyadan qaçış yolumuz yoxdur. Lakin onun tətbiqi həm məsuliyyətli şəkildə tənzimlənməli, həm də səhv informasiya risklərini idarə edə biləcək mexanizmlər yaradılmalıdır”, – Mahmudov vurğulayıb.

Gülnar Nazimqızı