ANN.Az saytının əməkdaşı Argentinanın Azərbaycandakı səfiri, cənab Karlos Dante Rivadan müsahibə götürüb. Həmin müsahibəni oxuculara təqdim edirik:- Argentina və Azərbaycanın ümumi cəhətləri hansılardır və bu iki ölkə arasında əlaqələrin istiləşməsinə nə kimi faydası dəyə bilər? - Biz bir-birimizi hələ daha çox tanımalıyıq. Bu, hökümətlərə görə yaranan problem deyil. Bizim siyasi əlaqələrimiz güclüdür, amma bizə ölkələrimizin və xalqlarımızın isti təması lazımdır ki, bir-birimizin mədəniyyətini, musiqisini, idmanını, rəssamlarını tanıyaq və bir-birimiz haqqında daha çox şeylər bilək. Bizə Argentinadan və Azərbaycandan olan şəhərlər və insanlar arasında ünsiyyət qurmaq lazımdır. - Azərbaycanın Argentinadakı diasporasının fəaliyyətini necə qiymətləndirirsiniz? - Siz Bakıda yaşayan argentinalıları barmaqla saya bilərsiniz. Məncə elə bu qədər sayda azərbaycanlı da Argentinada yaşayır. Bu, çox böyük say deyil. Biz hər sahədə mübadiləni artırmalıyıq - kino, idman və başqa sahələr.- Ermənistan-Azərbaycan arasında Dağlıq Qarabağ münaqişəsinin nizama salınmasında sizin ölkənizin mövqeyi nədən ibarətdir?- Dağlıq Qarabağ yalnız Azərbaycan və Ermənistan üçün yox, region üçün problemdir. Biz bu problemi həll etməliyik. Biz razılaşmaya nail olmaq üçün Minsk Qrupunun mövqeyini qətiyyətlə dəstəkləyirik. Bu, həqiqətən həm region üçün, həm də gələcək üçün əhəmiyyətlidir.- Argentinada Xocalı soyqırımı haqqında nə bilirlər?- Əsas problem odur ki, Argentinada Xocalı haqqında heç nə bilmirlər. Biz öz tərəfimizdən biliklərimizi təkmilləşdirməliyik. Əgər siz Agentinada kimdənsə Xocalı haqqında soruşsanız, heç bir cavab verə bilməyəcək. Çünki kimsəyə nəsə məlum deyil. Biz bunun üzərində birlikdə işləməliyik.- Argentina Azərbaycanı 1992-ci ildə müstəqil ölkə kimi tanıdı. O vaxtdan bu vaxta kimi bizim münasibətlərimizin əsas nailiyyəti nədən ibarətdir?- Argentina üçün əsas nailiyyət Azərbaycanda səfirliyinin açılmasıdır. Biz coğrafi cəhətdən bir-birimizdən uzaq olsaq da, Azərbaycanla bütün sahələrdə çalışmalı və əməkdaşlıq qurmalıyıq. Bu, bizim vəzifəmizdir.Cəmilə İbrahimANN.Az