Şuşanın işğalı günü ilə əlaqədar Qarabağ Azadlıq Təşkilatı (QAT) Şəhidlər Xiyabanını ziyarət edir. Hafta.az-ın əməkdaşının verdiyi məlumata görə, ziyarətçilər şəhidlərin məzarı üzərinə gül dəstələri qoyaraq yad ediblər. QAT sədrinin müavini Cəfər Nəsib başda olmaqla, təşkilatın 5-ə yaxın üzvü Ermənistan bayrağını yandırmağa cəhd göstərib. Onlar xiyabanda bayrağa od vurmağa çalışsalar da, polis işçiləri buna mane olub. Polis müdaxilə edərkən, etirazçılara bayrağı yandırmaq üçün başqa yer seçməyi məsləhət görüb. Bundan sonra təşkilat üzvləri və polislər arasında qarşıdurma yaranıb. Etirazçılar xiyabanı tərk etmək istəmirlər. Buna baxmayaraq, etirazçılar bayrağa od vurublar. Hafta.az-ın xiyabanda olan əməkdaşının verdiyi məlumata görə, bayrağı bir qadın yandırıb. ANN.Az