• $ 1.7
  • € 2.0029
  • ₽ 0.021438
  • ₺ 0.0427
  • £ 2.325

“SELFİE”baz siyasətçilər - FOTOLAR

“SELFİE”baz siyasətçilər - FOTOLAR
30.05.2014 11:30
Son dövrlərdə sosial şəbəkələrdə tüğyan edən “selfie” (avtofotoportret) üslubunda çəkilmiş şəkillər böyük maraqla qarşılanır. Artıq insanlar üçün sözün əsl mənasında əyləncəyə çevrilən “selfie”lərə dünyanın tanınmış siyasətçiləri də biganə qala bilmir. “Selfie” onların da əyləncəsinə çevrilib.

Modern.az saytı dünyanın məşhur siyasətçilərinin “selfie”yə göstərdikləri marağı araşdırıb.

Hazırda dünyanın diqqət mərkəzində duran Rusiya Federasiyasının prezidenti Vladimir Putin “selfie”dən imtina etməyib. Tver vilayətində gənclərlə görüş zamanı prezident gənc fəal Oksana Mitrofanovanın “selfie” xahişini yerə salmayıb.

Rusiyanın baş naziri Dmitri Medvedev “selfie” marağında prezidentindən geri qalmır. Kazanda səfərdə olarkən baş nazir tələbələrin “selfie” təklifini böyük məmnunniyyətlə qəbul edib.

Almaniyanın xanım kansleri Angela Merkel “selfie” təklifini sanki çoxdan gözləyirmiş. Berlində orta məktəb şagirdlərinin təklifini xanım siyasətçi gülə-gülə qarşılayıb.

Kiyev şəhərinin yeni seçilmiş meri Vitali Kliçko da “selfie” marağını gizlədə bilməyib. Kliçko Londonda olarkən tərəfdarlarının arasında “selfie” əyləncəsini yaşayıb.

Amerika Birləşmiş Ştatlarının dövlət katibi Con Kerrinin “selfie”lərə qarşı marağı o qədər böyükdür ki, o Cakartada tələbələr qarşısında çıxış etməzdən əvvəl əməlli-başlı “selfie” şousu yaradıb.

Əyləncə həvəskarı olan fransızların prezidenti Fransua Olland Amerika Birləşmiş Ştatlarına rəsmi səfəri zamanı “selfie” əyləncəsinə qatılıb.

Kifayət qədər ciddi görkəmi olan Rusiyanın xarici işlər naziri Sergey Lavrovun ilk “selfie”sinin səbəbkarı və təşəbbüskarı jurnalist Sofiko Şevardnadzedir. Xanım jurnalist istədiyinə nail ola bilib. Axı o, jurnalist olmaqla yanaşı, həm də böyük siyasətçi Eduard Şevardnadzenin qızıdır.

Amerika Birləşmiş Ştatlarının prezidenti Barak Obama “selfie” məsələsində bütün həmkarlarını qabaqlayıb. Nelson Mandelanın dəfn mərasimində Obamanın Britaniyanın və Danimarkanın baş nazirləri ilə “selfie” çəkdirməsi  ictimaiyyət arasında heç də yaxşı qarşılanmayıb. Bu “selfie” siyasətçilər üçün yersiz hərəkət kimi qiymətləndirilib.

Türkiyənin baş naziri Rəcəb Tayyib Ərdoğanın “selfie”si də sosial mediada maraqla qarşılanıb. Malayziyanın baş naziri  Nəcip Rezak Türkiyədə səfərdə olarkən Ərdoğan həmkarı ilə “selfie” yapmağı unutmayıb.

Yeri gəlmişkən, bu il aprelin 8-də Azərbaycan prezidenti İlham Əliyev Naxçıvan Muxtar Respublikasında səfərdə ikən Niderland və bəzi digər xarici ölkələrin səfirləri ilə "selfie" çəkdirib. Niderland Krallığının Azərbaycandakı səfirliyinin yaydığı həmin "selfie"  sosial mediada geniş yayılıb və bəyənilib.

"Selfie"si olan məşhurlar arasında hətta Roma Papası da var. Papa Fransisk bir müddət öncə Vatikanda Pasxa günlərinin başlanması ilə bağlı təntənəli tədbirdə çıxış edib. Çıxışından sonra izdiham arasına qatılan Papa gənclərlə “selfie” çəkdirib.

Fransanın sabiq prezidenti Nikola Sarkozi də gənclərlə "selfie" fotolar çəkdirən məşhurlar sırasındadır.

İsrailin baş naziri Benyamin Netanyahu da "selife"si olan məşhur siyasətçilərdən geri qalmır.Göründüyü kimi, bu gün daha çox gənclərin əyləncəsi hesab olunan "selife" fotolar prezidentlərin, baş nazirlərin də maraq dairəsindədir...  ANN.Az

Oxşar xəbərlər
Oxşar xəbərlər
Kiyev bu gün atəşə tutulub - FOTOLAR
Dünya 11:55
Kiyev bu gün atəşə tutulub - FOTOLAR
Putinin qızının keçmiş ərinin villası əlindən alındı - FOTO
Dünya 09:45
Putinin qızının keçmiş ərinin villası əlindən alındı - FOTO
Rusiyaya qarşı döyüşən cütlük cəbhədə evlənib
Dünya 13:04
Rusiyaya qarşı döyüşən cütlük cəbhədə evlənib
Rusiyanın Ukraynaya hücumuna rəqs nümayişi ilə etiraz edilib - FOTO/VİDEO
Dünya 12:50
Rusiyanın Ukraynaya hücumuna rəqs nümayişi ilə etiraz edilib - FOTO/VİDEO
Bu əsər 7 dəqiqəyə 45,4 milyon dollara satıldı - Fotolar
Dünya 20:06
Bu əsər 7 dəqiqəyə 45,4 milyon dollara satıldı - Fotolar
Yaxın beş ildə parol tarixə qovuşacaq: Onu “çip”lər əvəz edəcək - FOTO
Dünya 17:30
Yaxın beş ildə parol tarixə qovuşacaq: Onu “çip”lər əvəz edəcək - FOTO
“Omikron”a yoluxma halında lazım olan dərmanlar - FOTO
Dünya 14:30
“Omikron”a yoluxma halında lazım olan dərmanlar - FOTO
Məşhur aktrisa 13 il sonra görüntüləndi: Dəyişiklik hər kəsi şoka saldı - FOTO
Dünya 14:00
Məşhur aktrisa 13 il sonra görüntüləndi: Dəyişiklik hər kəsi şoka saldı - FOTO
Avropada yol polisindən unikal addım: Avtobusla “sürücü ovu” - FOTO
Dünya 13:30
Avropada yol polisindən unikal addım: Avtobusla “sürücü ovu” - FOTO
Anews TV

Rəsmi Youtube kanalımız

Abunə ol