Ermənistanın Kollektiv Təhlükəsizlik Müqaviləsi Təşkilatında (KTMT) "dondurulma" anlayışı sənədlərdə öz əksini tapmayıb. Bunu KTMT-nin baş katibi İmanqali Tasmaqambetov deyib.
""Dondurulma” anlayışı KTMT sənədlərində öz əksini tapmayıb, ona görə də mövcud vəziyyətə münasibətdə ondan istifadə etməyəcəyik. Ermənistan həqiqətən də Təşkilatın üzvü kimi fəaliyyətinin miqyasını əhəmiyyətli dərəcədə azaldıb, lakin buna baxmayaraq, iş davam edir, Katibliyin gündəliyinə daxil olan bütün məsələlər işçi qaydada müzakirə olunur. Eyni səviyyədə fəaliyyəti bərpa etmək qərarı yalnız Ermənistan Respublikasının siyasi rəhbərliyindən asılıdır. Və bu məsələyə aydınlıq gətirmək, ilk növbədə, düzgün planlaşdırma üçün assosiasiyamızın bütün iştirakçıları üçün faydalı olardı", KTMT-nin baş katibi Rusiya mətbuatına müsahibəsində bildirib.
Bundan əvvəl Ermənistan Kollektiv Təhlükəsizlik Müqaviləsi Təşkilatından (KTMT) "Ermənistanın suveren ərazilərini işğal etdiyi” barədə siyasi bəyanət gözlədiyi ilə bağlı açıqlama verib.
İyunda KTMT Xarici İşlər Nazirləri Şurasının iclası keçiriləcək.
Bundan əvvəl Nikol Paşinyan bəyan etmişdi ki, əgər təşkilat "KTMT-nin Ermənistanda məsuliyyət sahəsi nədir” sualına cavab verməsə, İrəvan KTMT-dən çıxacaq.
Hazırda Ermənistan KTMT-dakı fəaliyyətini dondurduğunu açıqlayıb.
Kollektiv Təhlükəsizlik Müqaviləsi Təşkilatının "Sarsılmaz qardaşlıq” adlı təlimləri artıq bir dəfə 2015-ci ildə Ermənistanda keçirilib. Həmin təlimlərdə Rusiya Mərkəzi Hərbi Dairəsinin sülhməramlı briqadasının hərbçiləri, o cümlədən Ermənistan, Qazaxıstan, Belarus, Qırğızıstan və Tacikistandan olan 500-ə yaxın hərbçi iştirak edib.
2022-ci ildə KTMT ölkələrinin "Sarsılmaz qardaşlıq” hərbi təlimləri Qırğızıstanda keçirilməli idi, lakin bu ölkənin Müdafiə Nazirliyi səbəbini açıqlamadan təlimləri ləğv edib.
KTMT 1994-cü ildə qüvvəyə minib. O zaman təşkilat 9 ölkədən ibarət olub. Daha sonra Azərbaycan, Gürcüstan və Özbəkistan bu təşkilatı tərk edib.
Gülnar Nazimqızı
Bundan əvvəl Nikol Paşinyan bəyan etmişdi ki, əgər təşkilat "KTMT-nin Ermənistanda məsuliyyət sahəsi nədir” sualına cavab verməsə, İrəvan KTMT-dən çıxacaq.
Hazırda Ermənistan KTMT-dakı fəaliyyətini dondurduğunu açıqlayıb.
Kollektiv Təhlükəsizlik Müqaviləsi Təşkilatının "Sarsılmaz qardaşlıq” adlı təlimləri artıq bir dəfə 2015-ci ildə Ermənistanda keçirilib. Həmin təlimlərdə Rusiya Mərkəzi Hərbi Dairəsinin sülhməramlı briqadasının hərbçiləri, o cümlədən Ermənistan, Qazaxıstan, Belarus, Qırğızıstan və Tacikistandan olan 500-ə yaxın hərbçi iştirak edib.
2022-ci ildə KTMT ölkələrinin "Sarsılmaz qardaşlıq” hərbi təlimləri Qırğızıstanda keçirilməli idi, lakin bu ölkənin Müdafiə Nazirliyi səbəbini açıqlamadan təlimləri ləğv edib.
KTMT 1994-cü ildə qüvvəyə minib. O zaman təşkilat 9 ölkədən ibarət olub. Daha sonra Azərbaycan, Gürcüstan və Özbəkistan bu təşkilatı tərk edib.
Gülnar Nazimqızı
www.anews.az
Bizi sosial şəbəkələrdə izləyin !
