Bakı şəhəri, Səbail rayonu, Y.Məmmədəliyev küçəsində fəaliyyət göstərən "Biblioteka” ictimai iaşə obyektində plandankənar yoxlama zamanı bir sıra nöqsanlar aşkarlanıb. Bu barədə Azərbaycan Qida Təhlükəsizliyi Agentliyindən (AQTA) məlumat verilib.
Bu gün mətbuatda adıçəkilən restoranın mətbəxində siçanın gəzdiyi görüntülər sosial şəbəkələrdə yayımlanıb.
Bildirilib ki, fiziki şəxs Şabanov Nəcməddin Nazim oğluna məxsus obyektin qida təhlükəsizliyi qeydiyyatına alınmadan fəaliyyət göstərdiyi, texniki normativ hüquqi aktların tələblərinin pozulduğu müəyyən olunub.
"Aşkar olunmuş nöqsanlarla bağlı qanunvericiliyə uyğun olaraq müəssisənin fəaliyyəti məhdudlaşdırılıb, müəssisə rəhbərliyi barəsində protokol tərtib edilərək inzibati məsuliyyətə cəlb edilib. Faktla bağlı araşdırmalar davam edir", - məlumatda qeyd olunub.
www.anews.az
Bizi sosial şəbəkələrdə izləyin !
