Qazaxıstanın Xəzərdəki hərbi təlimində 9 hərbçi həlak olub

Qazaxıstanın Xəzər dənizində keçirilən hərbi təlim zamanı 19 hərbçini dalğa dənizə aparıb. Onlardan 9-u həlak olub, 3-ü xilas edilib, 7 hərbçinin axtarışları davam etdirilir. Bu barədə Qazaxıstan Müdafiə Nazirliyi məlumat yayıb.

Bildirilib ki, hadisə yerli vaxtla saat 11:10 radələrində Aktaudan 43 kilometr məsafədə hərbi-dəniz qüvvələrinin təlimləri zamanı baş verib. Hava şəraitinin kəskin pisləşməsi nəticəsində güclü dalğa hərbçiləri dənizə aparıb.

Nazirliyin məlumatına görə, hadisə zamanı 15 matros, bir zabit və müqavilə əsasında xidmət edən bir hərbi qulluqçu da dənizə düşüb.

Axtarış-xilasetmə əməliyyatına dərhal dörd hərbi gəmi, Mi-8 helikopteri və Fövqəladə Hallar Nazirliyinin qüvvələri cəlb olunub.