Nigeriyada gəmi qəzasında 26 nəfər ölüb

Nigeriyanın cənubundakı Bayelsa ştatında gəminin qəzaya uğraması nəticəsində 26 nəfər həlak olub.
Bu barədə "Vanguard" qəzeti yerli hakimiyyət orqanlarına istinadən məlumat yayıb.
Məlumata görə, əvvəlcə dörd nəfərin cəsədi aşkarlanıb, 24 nəfər isə xilas edilib. Lakin şənbə günü axşam yerli dalğıclar və dəniz polisi daha 22 cəsəd tapıb və ölənlərin sayı 26-ya çatıb.
İlkin məlumata görə, qəza qayığın həddindən artıq yüklənməsi və hərəkət zamanı yaranan texniki nasazlıq nəticəsində baş verib. Daha sonra qayıq batıb.
Sağ qalan 19 nəfərə tibbi yardım göstərilib, beş nəfər isə xəstəxanaya yerləşdirilib.
Gəminin idarə olunmasına cavabdeh şəxs araşdırma üçün saxlanılıb, gəmiçi isə hadisədən sonra gizlənib.
























